Обуки

Тестирајте го своето познавање на

Вие освоивте:

Рејтинг:

Вие освоивте:

Рејтинг:

ОСНОВНИ МОДУЛИ

Како да ја надминете конкуренцијата – деловен протокол и етикеција

„Појавата е химната – конверзацијата е мечот“ – Бери Фарбер

Првиот впечаток ја поставува сцената за понатамошниот успех. Деловните луѓе кои зрачат со правилна деловна култура и етикеција имаат отворена врата за идни успеси. Познавањето на протоколот не е само дел од нашиот личен имиџ туку и дел од сликата што ја остава нашата фирма или институција.

Познавањето на правилата на деловното однесување е вештина која треба да ја има во секоја наша биографија. Овој модул ги претставува сите протоколарни правила на корпоративно однесување и интеракција, почнувајќи од правилата на ракување и титулирање, деловните картички, сигналите со боите на костумот, па сé до организација на сложени состаноци и дочекување на делегации. Овој модул го вклучува предвањето за кодексите на облекување и деловна шминка.


Манирите на маса

„Ако треба да изберете меѓу курс за сметководство и манири на масата, одберете ги ножот и вилушката“ - Харви Меккеј

Вештините на однесување на маса не се дел од деловниет вештини. Но, тешко е да се замисли некој кој што се стреми да успее, а да не ги совладал вештините на масата. Ресторанот можеби не е местото каде што се договараат деловните зделки, но најголемиот дел од нив биле склучени токму по вкусен ручек или вечера. Модулот го опфаќа целиот процес на организирање на репрезентативни приеми и коктели, деловни ручеци или вечери – од идејата, преку поканувањето на гостите, дочекувањето, распоредите на седење, однесувањето на масата, сервирањето, правилата на здравиците, чајот и кафето, па сé до испраќањето на картичка со благодарност.


Како да успеете на меѓународна сцена – мултукултура

„Ако те нервира различноста, тогаш животот ти е многу здодевен“ – Тоба Бета

Светот е глобално село. Да се води бизнис или да се соработува со луѓе од друга религија, менталитет или средина е предизвик, но и голема можност за грешки доколку не се познаваат меѓународните правила на етикеција и специфичностите на секоја култура. Овој интересен модул ќе ни овозможи да оствариме деловни успеси и врски со други култури и да изградиме позитивен имиџ, не само наш личен, туку и на институцијата, па и државата што ја претставуваме


Дипломатски протокол

„Дипломатијата е кадифена ракавица за тупаницата“ – Робин Хоб

Суштината на протоколот како на правила на однесување во најформалните и најофицијалните пригоди најдобро се отсликува на полето на дипломатијата каде што претставува меѓународно признат систем на куртоазни правила.

Мултилатералната дипломатија налага зголемен број на дипломатски контакти, а истите мора да се темелат на општо-усвоени куртоазии, здрав разум и воспоставени норми на општење. Овој модул ги претставува основите на дипломатскиот протокол, ни овозможува да ги совладаме финесите на комуникација со високите државни личности и дипломатскиот кор, како и да се стекнеме со вештини при организација на дипломатски настани и церемонии.


Уметноста на говорењето

„Зборовите се најмоќната дрога на човештвото“ – Ридјард Киплнг

Говорењето пред публика е вештина која не бара само техничка подготовка, туку многу самодоверба и вештини. Овој модул ќе ни помогне да го организираме својот говор, да го задржиме вниманието на публиката, да ја пренесеме својата порака, да ги избегнеме говорничките стапици и да останеме запаметени како интересен и харизматичен говорник. Во овој модул ќе ги совладаме вештините на сузбивање на тремата, организирањето прес конференции, давање ефективни изјави и впечатливи интервјуа, како и да изградиме продуктивен однос со медиумите и јавноста.

ДОПОЛНИТЕЛНИ МОДУЛИ

Протоколот во Македонската православна црква – Охридска Архиепископија

Овој модул дава извонреден приказ на протоколарните правила кои треба да се почитуваат при работа со достојниците на Македонската Православна Црква – Охридска Архиепископија.

Предавач: Отец Бобан Митевски, МПЦ-ОА


Воени почести и церемонијал

Овој дополнителен модул се осврнува на протоколот со воените почести при дочекувањето на високи гости

Предавач. Санде Смиљанов, Министерство за одбрана на РМ


Светот на виното

Дополнителен модул кој накратко се осврнува на финесите на винската култура, начинот на послужување и правилата што треба да ги запомни секој кој се занимава со протокол.

Предавач: Бобан Здравковски, сомелиер


Деловна шминка и нега

Преглед на основните правила на шминкањето, разликата меѓу деловната и вечерната шминка како и практична примена на наученото

Предавач: Магдалена Велова, професионален шминкер


Да зборуваме литературен јазик

Во овој модул се става акцент на важноста од употребата на литературниот македонски јазик и се дава преглед на најчестите јазични неправилности кои се сретнуваат при говорењето.

Предавач: Патриција Маљковиќ –Петровска, сертифициран лингвист и лектор по македонски јазик


Танц за секоја пригода

Со овој дополнителен модул слушателите ќе имаат можност да ги изучат основните чекори на валцерот

Предавач: Александар Петровски, професионален танчер, Танцова Академија Александрија

СКРОЕНИ МОДУЛИ

Етикеција и манирите во хотелиерството и угостителската индустрија

Знаете ли дека најголемиот дел од гостите се враќа во објектот само поради тоа што добиле квалитетна услуга, а не затоа што имате скап ентериер. Луѓето повеќе го паметат насмеаното лице на келнерот или рецепционерот отколку тоа дали пиеле од кристална чаша. Подобрете ја својата услуга, бидете запамтени како објект, ресторан, хотел, кафетерија кадешто услугата била беспрекорна, а вашите вработени професионални и самоуверени. Научете како да ги предвидите желбите на гостинот, како да се справите со нивните поплаки, како да организирате настани и кои се финесите на манирите на послужување и сугестивна комуникација.


Ние и клиентите

Оваа обука е извонредно корисна со сите што работат со странки, клиенти и потрошувачи. Доколку сте шалтерски работник, продавач, вработен за односи со клиенти, оператор... доколку секојдневно се сретнувате со луѓе од различни карактери, биографии, навики, културолошки или други карактеристики, ова е обука за вас!